Derhênerê Kurd Şuayip Adlig ku bi salên dirêj bû li Fransayê dijî, duh di 68 saliya xwe de ji ber nexweşiya pê re hebû mir.

Kurd Şuayip Adlig di fîlmên Yilmaz Guney ên bi navê "Kerî" û "Kesên Bêhevî" de leyîstiye.

Şuayip Adlig sala 1956an li bajarê Êlihê ji dayik bû.

Adlig sala 1979an bi belgefîlma xwe li ser karkerên qaçax ên di zeviyên titûnê de dixebitin dest bi karê sînemageriyê kir.

Di derbeya 12ê Îlona 1980an de dest bi ser fîlma wî de hat girtin û dadgehê 10 sal cezayê girtîgehê da wî.

Sala 1984an koçî Fransayê kir û li wir bicih bû.

Li Fransayê karê wênegiriyê kir û li Parîs, Rouen û gelek bajarên din pêşangeh vekirin.

Aldig li Herêma Kurdistanê jî du belgefîlm çêkirin.

Sala 2002an de albûmeke wêneyan a bi navê "Kurd, mîrasa mirovahiyê" derxist.

Gelek berhemên wî di arşîva Enstîtuya Kurdî ya Parîsê de ne.

Cenazeyê Aldig dê 24ê Gulanê roja Înê saet 14:00an li bajarê Cherbourgê bê veşartin.