Li gorî ragihandina çavkaniyên herêmî, tê gotin ku li gundê bi navê Gundikê Melî yê bi ser bajarê Şirnexê ve 3 gundî, ku di heman demê de karkerên madenê ne, li cihê kana madenê di encama teqîna xaza metanê de jehrî bûne. Metirsî heye ku wan her 3 gundiyan jî jiyana xwe ji dest dabe.

Hat diyarkirin ku ji wan 3 kesan du kes bira ne û hêj ew nehatine derxistine.

Ji aliyê din ve hinek çapemeniya Tirk diyar dikin ku ew her 3 gundî li wê herêma kana madenê di bîreke tijî av de werbûne û jiyana xwe ji dest daye.

Her wiha di dîroka 17'ê cotmehê de ruxîekî heman herêmê de 8 karkeran canê xwe ji dest dabûn.