Karwaneke alîkariyan a Dezgeha Xêrxwazî ya Barzanî duhî 10ê Sibata 2023an gihiştî herêma Efrîna Rojavayê Kurdistanê û dest bi dabeşkirina alîkariyan li ser ziyandîtiyên bajarokê Cindirêsê kir.

Serok Mesûd Barzanî îro 11ê Sibata 2023an di pêwendiyeke telefonî de ligel Serokê Dezgeha Xêrxwazî ya Barzanî Mûsa Ehmed, destxweşî li karmendên Dezgeha Xêrxwazî ya Barzanî kir ku bi hawara erdhejê çûnê û tîma Dezgeha Xêrxwazî ya Barzanî raspard ku bê cudahî alîkariya hemû pêkhateyên xwecihî yên Efrînê bikin.

Li hemberê jî Efrîniyan spasiya Serok Barzanî, Hikûmeta Herêma Kurdistanê û Dezgeha Xêrxwazî ya Barzanî kirin ku bi hawara wan ve hatine û alîkariyên cuda gihandine wan.