Li gor nûçeya KDP.infoyê şirovekarê siyasî Mueyid Teyib diyar kir, "Ti baweriya me bi jiyana di çarçovya Iraqê de tune ye, ji ber ku ti guhertinek bi ser hizniyeta deselatên Iraqê ve nehatiye, lewma jî baştirîn çareserî referandum e."

Teyib nîqaşên li ser referandûmê wiha nirxand: "Her rêkeftinek ligel Bexdayê bê kirin dê bê sûd be û tenê riya serxwebûnê li pêşiya me maye û bi referandumê dê ji hemû cîhanê re piştrast bibe ku serkirdatiya siyasî ya Kurdistanê daxwaza xelkê cîbicî dike, lewma jî lidarxistina referandumê pir girîng e û divê ew referandum jî tenê ji bo serxwebûnê be û ti aliyekî siyasî nebe rêgir li pêşiya referandumê."