Cîgirê Berdevkê Wezareta Derve ya Amerîkayê amaje jî da, “Em bi Hikûmeta Îraqê û endamên civata ewlehiyê re kar dikin ji bo ku kar bi awayekî berpirsane bidawî bên, bi awayekî ku pêdivîtiyên xelkê Îraqê dabîn bikin û arêşeyên navbera Îraq û Kwêtê çare bikin”.

Pêştir Berpirsê Karûbarên Îraqê li Neteweyên Yekgirtî Diktor Ebas Kazim Ubeyd di çarçoveya nameyekê de ragehand, “Îraq wekî endameke damezrînerên Neteweyên Yekgirtî herdem pabendî peyman û meremên bilind ên wê rêkxistinê dibe”.

Diktor Ebas Kazim Ubeyd bi navê Serokwezîrê Îraqê Mihemed Şiya Sûdanî nameyek arasteyî Sikirtêrê Giştî yê Neteweyên Yekgirtî António Guterres kir.

Di pareke wê nameyê de hatiye, “Min şanaziyeke zêdetir heye eger ez daxwazê bikim ku ev nameya niha û hevpêça wê bi civata ewlehiyê re bê hevparkirin û wekî belgenameyekê li wê civatê bê parvekirin, ku di wê nameya hevpêç de daxwaz ji UNAMIyê tê kirin ku li roja 31.12.2025ê dawiyê bi erkê xwe li Îraqê bîne û tevaya dozan bide destê dezgehên Hikûmeta Îraqê”.