Sean Spicer di konferansa rojnamevaniyê ya rojane de diyar kir, armanca wan a sereke guhertina rejîmê nîne û got: “Esad li ser hikûmetê be jî, em dikarin DAIŞê têk bibin.”
Spicer di daxuyaniya xwe de wiha axivî: “Li Sûriyê armanca me ya sereke, guhertina rejîmê nîne. Ji bo ku DAIŞ têkbiçe, pêwîst nake ku Esad dev ji peywira xwe berde. Niha li Sûriyê, divê pêşî şer û pevçûn werin sekinandin.”
Sean Spicer herwiha got: “Ji bo piştgiriya gelê Sûriyê, tiştê herî baş ê ku em dikarin bikin, ev e.”
Berdevkê Koşka Sipî wiha dirêjî da axavtina xwe:
“Di vê rewşê de ji bo ku Esad dev ji peywira xwe berde, şert û merc dê guncaw bibe. Eger êrîşên bi çekên kîmyayî yên nû werin kirin, dibe ku em biryara operasyonên nû bidin.
Eger hûn gazê biavêjin ser bebikan û bombeya bermîlan bi kar bînin, hûnê ji vî serokî bersivê bibînin. Ez bawer nakim, li Sûriyeya ku Beşar Esad têde desthilatdar e, aramî û aştî pêk were.”