Berdevkê Pentagonê Patrick Ryder îro Pêncşemê di kongreyeke rojnamevanî de li ser erkê wan ê di serdana bi Fermandarê Giştî yê HSDê Mazlûm Ebdî re ragihand, “Ew geşt di çarçoveya şerê li dijî DAIŞê de bû bi hêzên Amerîka û hêzên me yên herêmî yên hevbeş li Iraq û Sûriyê li dijî DAIŞê şer dikin re.”
Patrick Ryder diyar kir ku ew dikarin piştrast bikin ti ziyanên canî çênebûne û êrîş 100 metreyan nêzîkî wan bûye û got, “Fermandariya Navendî ya Amerîkayê (CENTCOM) li ser bûyerê lêkolînê dike.”
Roja Înê 7ê Nîsana 2023an li nêzîkî Firokexaneya Navdewletî ya Silêmaniyê dûman bilind bibûn, rayedarên firokexaneyê û asayîşê di destpêkê de gotibûn ku şewateke normal bûye lê piştre hat ragihandin ku bi firokeyên bê firokevan êrîşek hatiye kirin ku hêzên Amerîkî û Fermandarê Giştî yê Hêzên Sûriya Demokratîk (HSD) Mazlûm Ebdî li wir bûne.
