Serokwezîrê Herêma Kurdistanê Mesrûr Barzanî li Washingtonê bi Senatorê Amerîkî Lindsey Graham re civiya.

Di hevdîtinê de, Serokwezîrê Herêma Kurdistanê spasiya Senator Lindsey Graham û Amerîka kir ji bo piştevaniya wî ya berdewam ji Herêma Kurdistanê re û ronahî xiste li ser pêşhatên dawî yên li Iraqê û pirsgirêkên Herêma Kurdistanê û hikûmeta federal.

Ji aliyê xwe ve, Senator Graham kêfxweşiya xwe li hember serdana Serokwezîr Mesrûr Barzanî bo Washingtonê nîşan da û tekez kir ku ewê hertim piştgîriya Kurdistaneke bihêz û daxwaz û mafên rewa yên gelê Kurdistanê bike, bi taybetî parastina ewlehî û aramiyê, dabînkirina mafên darayî, bûdceya herêmê, destpêkirina hinardekirina petrolê û rêzgirtina li qewareya destûrî ya Herêma Kurdistanê.

Serokwezîr Mesrûr Barzanî roja 24.02.2024an li ser vexwendineke fermî gihîşt Washingtonê. Serokwezîr Mesrûr Barzanî bi berpirsên payebilind ên Koşka Spî, Wezareta Derve û Kongressê re dicive û mijarên sereke yên civînan jî, zêdetir pêşxistina peywendiyên di navbera Herêma Kurdistanê û Amerîkayê de, dawîn guhertin û pêşhatên rewşa giştî ya Iraq û navçeyê ne.