Serokê Amerîkayê Donald Trump li ser tora civakî ya Truth Socialê parvekirinek kir.

Serokê Amerîkayê Donald Trump got:

“Ez dixwazim Îran bibe welatekî mezin û serkeftî lê welatekî ku nikaribe bibe xwediyê çekê nukleerî.

Ez dixwazim peymaneke garantîkirî ya aştiyê ya nukleerî were îmzekirin, destûrê bide Îranê ku bi pêş bikeve û bextewar be.”

Trump ew îdiayên ku dibêjin “Amerîka û Îsraîl bi hev re dixebitin da ku Îranê tune bikin” red kir û got, “Ev gelekî hatiye mezinkirin.”

“Divê em zû dest pê bikin”

Serokê Amerîkayê her wiha anî ziman:

“Divê em zû dest bi vî karî bikin, piştre jî em li Rojhilata Navîn ahenga xwe ya mezin bikin, dema ku peyman tê îmzekirin û tê qedandin.”

Serokê Amerîkayê di dawiya parvekirina xwe de jî got, “Xwedê Rojhilata Navîn biparêze.”

Trump di serdema xwe ya yekem de ku sala 2021ê bi dawî bû, Amerîka ji peymana nukleerî ya bi Îranê re vekişandibû û gelek cezayên giran bi ser de sepandibûn.

Wezîrê Karên Derve yê Îranê Ebas Eraqçî li ser “siyaseta zexta herî zêde ya li ser Îranê” got:

“Ev ceribandineke têkçûyî bû û eger dubare bikin dê careke din têk biçe.

Eger pirsgirêk ew be ku Îran nebe xwedî çekên nukleerî, ev tiştekî hêsan e û nabe pirsgirêkeke mezin.”

Serokê Saziya Enerjiya Nukleerî ya Îranê Mihemed Îslamî ragihandibû, “Ti bernameyên çekên nukleerî yên Îranê nînin û dê nebe jî.”