Hikûmeta Ermenistanê duhî Yekşemê danê êvarê ragihand ku 1050 kes ji Qerebaxa Çiya derbasî wî welatî bûne.

Serkirdayetiya herêma veqetandî ya Qerebaxa Çiya ji Reutersê re ragihand, 120 hezar Ermeniyên li Qerebaxa Çiya dimînin dê herin Ermenistanê ji ber ku naxwazin di bin serweriya Azerbaycanê de bijîn û ji qirkirina etnîkî ditirsin.

Nagorno-Karabax, herêma çiyayî ya li Kafkasya Başûr, beşek ji Azerbaycanê ye û li ser navneteweyî tê naskirin, lê deverên berfireh ên vê herêmê ev sê deh sal in di bin kontrola Ermeniyan de ye.

Ermeniyên li Qerebaxê di 20’ê Îlonê de neçar man ku agirbestê rabigihînin bikin, piştî operasyona leşkerî ya ji aliyê artêşa Azerbaycanê ve ku di nava 24 demjimêran de hat lidarxistin.

Azerbaycan dibêje ku ew ê mafên wan garantî bikin û herêmê tevlî welatê xwe bikin, lê Ermenî dibêjin ku ew ji zordarî û qirkirina etnîkî ditirsin.

Ermenîstan niha ji Netewên Yekgirtî daxwaz dike ku tîmekê bişîne ji bo şopandina rewşa li Qerebaxê.