Serokê Komîta Rêkxistina Karên Partiya Parêzgaran a Brîtanyayê Graham Brady ragihand, îro parlamenterên partiya wî deng didin ji bo ji nava 8 kandîdan, kesek posta Serokwezîrê Brîtanya li şûna Borîs Johnson werbigire.

Hefteya borî Serokê Partiya Parêzgaran û Serokwezîrê Brîtanyayê Borîs Johnson destê xwe ji kar vekişand, lê heta dema kongreya partiyê ku biryar e di meha Cotmeha bê de birêve biçe, ew ê di posta Serokwezîr de bimîne.

Li gor peyrewa navxwe ya Partiya Parêzgaran a Brîtanyayê, kandîdê postê Serokê Partiyê di qonaxa yekem de pêwîstiya wî bi 20 dengên parlemanteran û di qonaxa duyem de bi 30 dengên parlamenteran heye.

Wezîrê Darayî yê berê Rishi Sunak, Wezîrê Darayî yê nû yê Kurd Nazim Zehawî û Wezîra Derve Liz Truss ji kandîdên herî diyar in ku hevrikiyê li ser posta Serokwezîrê Brîtanyayê dikin.

Namzedên din jî, Kimi Badnock, Suella Braverman, Jeremy Hunt, Benny Mordaunt û Tom Togenhatt in.

Li gorî şopîneran, serokwezîrê bê dê pirsgirêkên mezin li pêş xwe bibîne, di demekê de ku piştgirî ji Partiya Parêzgaran re jî kêm dibe.