Heyeteke PAKê roja 04.10.2022yê li Parîs a paytextê Fransayê, seredana ofîsa PDK-Î(Partîya Demokrat a Kurdistana Îranê) kir.
Cîhgirê Berpirsê Navenda Birêveberîya Giştî a Hizba Demokrat a Kurdistana Îranê (PDK-Î) Hesen Şerîfî , Berpirsê Parîsê yê PDK-Î yê Xebat Qurbanî û endamên PDK-Î yê Kanî Jahangirî û Pûraman bi awayekî germ pêşwazîya heyeta PAKê kirin.
Heyeta PAKê ji ber vê pêşewazîyê spasîya heyeta PDK-Î yê kir û piştgirîya xwe ji bo raperîn û berxwedana gelê me yê Rojhilatê Kurdistanê pêşkeşî heyeta PDK-Î yê kir .
Herweha heyeta PAKê êrîş û qetlîamên Dewleta Îranê yên li ser xwepêşanderên sivîl û baregehên PDK-Î yê, Komele û PAK a Rojhilatê Kurdistanê şermezar kir û sersaxî ji malbatên şehîdan û ji gelê me ra , şîfaya xêrê ji birîndaran ra xwest.
Heyeta PAKê ji bo yekitîya herdû baskên Partîya Demokrat a Kurdistana Îranê jî kêfxweşîya xwe diyarkir û ew pîroz kirin.
Cîgirê Berpirsê Navenda Birêveberîya Giştî a Hizba Demokrat a Kurdistana Îranê (PDK-Î) Rêzdar Hesen Şerîfî jî ji bo vê seredanê û ji bo piştgirîya PAKê ya di derbarê têkoşîna li Rojhilatê Kurdistanê spasîya heyeta PAKê kir.
Hevdîtina heyetên PAKê û PDK-Î yê di atmosfereke dostane, germ û berhemdar da derbas bû. Herdu heyetan jî bal kişandin ser pêwîstî û girîngîya berdewamî, xurt kirin û pêşdebirina peywendîyên herdu partîyan.
