Li gorî nûçeya ku Rûdaw'ê de cih girtiye, Karsazê Kurd Keleş Îşo got, "Em ji Ermenistanê hatin vir, di gelek cihan de me kultur û ziman nizanibûn, em hîn bûn ketin nav kultura wan û me zimanê xwe xwedî kir. Zarokên me hemû bi Kurmancî xeber didin. Me di nava 30 salan de çêkir, di nava şevekê de hemû winda kir. Em ê dîsa çêkin ku teqiya em ê dîsa çêkin."

Li gelek gundên herêmê, gel li ber xaniyên xwe yên hilweşiyayî rûdinin. Elektrîk qut bûye, av û xwarin bi zehmetî tên dîtin û tîmên xwebexş rojane serdana gundan dikin û alîkariyê didin mirovan.

Şêniya gund Vitaliya Kuliov got, "Mirov piraniya alavên wan yên bingehîn ên weke derman, alavên şuştinê, xwarin û av nîn in û gelek kes bêyî tiştekî di malên xwe de dimînin."

Li gorî amarên Şaredariyê, li Makarivê û 50 gundên herêmê heta niha 180 cenaze hatine dîtin û ji wan 132 cenaze li kolanan bûne ku bi şêweyên cuda yên weke jêkirina destan û guhan û şewitandinê hatine kuştin. Sê hezar û 53 avahiyên taybet û yên hikûmetê jî zirar dîtine û 657 bi temamî hilweşiyane.