Şandeke Desteya Tendirustiyê ya Rêveberiya Xweser a Rojavayê Kurdistanê serdana Îtalyayê kir û li eyaleta Toskanî (Tuscany) hevdîtin pêk anîn.

Şanda Desteya Tendirustiyê ya Rêveberiya Xweser bi serokatiya Dr. Ciwan Mistefa li Îtalyay serdana Berpirsa Tendirustiya Cîhanê (WHO) ya li herêma Tuscany a Îtalyayê kir

Serokê şanda Rojavayê Kurdistanê Dr. Ciwan Mistefa derbarê serdanê de ji medyaya nêzîkî Rêveberiya Xweser re ragihandiye, ev serdana wan a yekemîn e ji bo welatekî Ewropî û ew dê di hevdîtinên xwe de behsa rewşa tendirustî ya navçeyên rêveberiyê bikin û daxwaza alîkariyê bikin.

Dr. Ciwan Mistefa gotiye, “Hevdîtin bi berpirsa tendirustiya cîhanê li herêma Tuscany a Îtalyayê re pêk hat. Di hevdîtinê de nîqaşên li ser pêşxistina rewşa tenduristî li Bakur û Rojhilatê Sûriyê, li ser çawaniya pêkanîna tiştên heta niha ji reşnivîsa sîstema tenduristiyê ku li Bakur û Rojhilatê Sûriyê hatiye amadekirin, hat nîqaşkirin.”

Serokê şanda Rojavayê Kurdistanê destnîşan kir, di plana wan de ye ku ew serdana gelek welatên ewropî bikin û çend hevdîtinên cuda ligel berpirsên tendirustiya welatên ewropî pêk bînin.