ekreterê Giştî yê NATOyê Jens Stoltenberg di bersiva pirsa peyamnêrê K24ê Barzan Hesen de ragihand, “Îran li ser siyaseta xwe ya têkdana aramiyê li Rojhilata Navîn berdewam e û bê guman em êrişên li ser hêzên Amerîkayê yên li Iraq, Sûriye û Urdinê şermezar dikin.”

Sekreterê Giştî yê NATOyê dibêje, “Îran hevkariya milîs û komên terorîst dike.” Herwiha tekez kir jî, hêzên NATOyê li Iraqê hene û erkê wan ew e ku di rûbirûbûna DAIŞê de alîkariya Iraqê bikin, ta ku piştrast bibin ku rêxistina terorîst careke din dernekeve holê.

Stoltenberg got: “Em bi Iraqê re li gelek eniyan kar dikin, bêguman her tiştê ku alîkar be li hember êrîşên asmanî yên li ser Iraq û hemû hêzên ku li wir bicîh bûne, girîng e.”