Berdevkê Wezareta Parastinê yê DYAyê Jeff Davis wiha got: "Em êdî dibînin ku hejmareke mezin ji serokên mezin ên rêxistina DAIŞê û hejmareke mezin ên kadiren wan ji Reqqayê derdikevin…Teqez êdî dizanin ku dawiya li Reqqayê tê".

Hêjayî gotinê ye ku piştî bajarê Mûsilê, Reqqa, armanca duyem a hevpeyamnê ye,

HSDê di 6ê Mijdarê de operasyona îzolekirina Reqqayê dest pê kiribû daku bajarî dorpêç bike û rêyên çûnûhatinê li ser bibire.

Li gorî France Pressê, Pentagonê ragihandiye ku ev armanc hema hema bi dawî bûye û tenê rêyek li pêşberî tundrewan maye û ew jî li başûrê rojhilatê bajarî ye.

Davis diyar kir ku ev rê dikevin ser qeraxa bakurî ya çemê Firatê û Reqqa û Dêra Zorê bi hev ve girê didin û eşkere kir ku rêya diçe bakur û rojava ji aliyê HSDê ve hatiye birîn.

Odeya Çalakiyan a Xezeba Firatê duh bi daxuyaniyekê eşkere kir ku gava duyemîn a qonaxa sêyemîn a rizgarkirina bajarê Reqqayê dest pê kiriye û Meclisa Leşkerî ya Dêra Zorê jî beşdarbûna xwe di wê gavê de ragihandiye.