Di çarçoweya Lûtkeya Keşûhewayê ya Cîhanî ya li Dubayê de, Serokwezîr Mesrûr Barzanî pêşwazî li Sekreterê Giştî yê Neteweyên Yekgirtî Antonio Guterres kir.

Di hevdîtinê de pêşhatên dawî yên rewşa Iraqê û şer û aloziyên li Rojhilata Navîn hatin gotûbêjkirin.

Ji aliyê xwe ve, Serokwezîr Mesrûr Barzanî tekezî li ser girîngiya rola UNAMI û berdewamiya erkê xwe ji bo aramî, aştî û asayîşa Iraqê kir.

Serokwezîr Mesrûr Barzanî behsa pêwîstiya çareserkirina pirsgirêkên di navbera Herêma Kurdistanê û Hikûmeta Federal û dabînkirina mafên destûrî yên gelê Kurdistanê kir û bang li Neteweyên Yekgirtî kir ku di çareserkirina pirsgirêkan de rolek aktîf bilîze.