Wezîrê Derve yê Tirkiyê Mevlût Çavûşoglu ji ajansa Anadolu re gotiye, tê xwastin ku em di navbera Bexda û Hewlêrê de bibin navbeynkar. Jixwe ezê 21 vê mehê serdana Bexdayê bikim û bi serokwezîr Heyder Ebadî re li ser arîşeyên navbera Hewlêr û Bexdayê gotûbêj bikim.

Mevlût Çavûşoglu amaje bi hewlên serxwebûna Kurdistanê jî kiriye û gotiye, helbet mafên kurdan di Destûra Iraqê de heye ji ber wê jî divê pêbendî Destûrê bin û dest ji guhertina sînoran berdin.

Wezîrê Derve yê Tirkiyê behsa helwesta hikûmeta Kurdistanê li hember biryarên dadgeha federal ya Iraqê jî kiriye û gotiye, helwesta hikûmeta Herêmê baş lê her gava Hewlêr bi temamî pêbendî Destûra Iraqê bû emê piştevaniya wê bikin.