Dadgeha Destûra Bingehîn kontrolên malî yên Partiya Azadiya Kurdistanê (PAK), Partiya Sosyalîst a Kurdistanê (PSK), Partiya Rizgariyê ya Civakparêz (TKP), Partiya Demokrasiya Karkeran (ÎDP) Partiya Kedkarên Sosyalîst (SEP), Partiya Demokrat a Lîberal (LDP), Partiya Netewî û Partiya Jinan bidawî kir.

Li gor biryarên ku îro di Rojnameya Fermî da hatin weşandin, kontolên malî yên 2019an ên partiyên navborî hatin kirin.

Dadgeha Destûra Bingehîn biryar da ku hesabên teqez ên van partiyan li gor agahî û belgeyên berdest rast û dirust in û li gor Qanûna Partiyên Siyasî ya jimara wê 2820ê ne.

Serdozgeriya Komarî Ya dadgeha Bilind a Tirkiyeyê navê partiyên siyasî yên ku bêjeya Kurdistanê di navê wan de heye ji lîsteya partiyên siyasî derxistibû. Heman serdozgeriyê bo girtina PAK, PSK û Partiya Demokrat a Kurdistanê li Tirkiyê (PDK-T) serî li Dadgeha Bingehîn dabû û ji Partiya Komunîst a Kurdistanê jî xwestibû bêjeya Kurdistanê ji navê xwe derbixe.