Şeva borî kes an kesên nenas êrişî avahiya Navenda Giştî ya Partiya Gelan a Wekhevî û Demokrasiyê (DEM Partî) kir.

Berdevka DEM Partiyê Ayşegul Doganê derbarê êrişê de li ser hesabê xwe yê Xê parvekirinek kir.

Berdevka DEM Partiyê Ayşegul Doganê da zanîn:

“Li Balgata ku yek ji deverên herî qelebalix ên Enqereyê ye û ku baregehên gelek partiyên siyasî lê hene, nîvê şevê êrişek li dijî navenda me ya DEM Partiyê hat kirin.

Wekî ku di wêneyan de jî tê dîtin derî û pencereyên me hatine şikandin û hewla danîna tabelaya me hatiye dayîn.

Em bi bîr dixin ku ev hişmendiya ku li provokasyonê digere, nikare me bitirsîne û bide sekinandin.

Em bangî Wezîrê Karên Navxwe Alî Yerlîkaya dikin ku tedbîrên pêwîst bigire û êrişkar demildest werin diyarkirin.”

Heta niha kes an kesên ku êriş kirine ne diyar in.