Serokatiya Ragihandinê ya Serokomariya Tirkiyê di daxuyaniyekê de ragihand ku Serokomarê Tirkiyê Recep Tayyip Erdogan, berdevekê berê yê Serokomariyê Îbrahîm Kalin weke serokê MÎTê erkdar kiriye.

Serokomarê Tirkiyê Recep Tayyip Erdogan roja Şemiyê kabîneya nû eşkere kiribû. Di kabîneya nû de Rêveberê MÎTê Hakan Fîdan weke Wezîrê Derve hatibû damezrandin.

Di daxuyaniya Serokomariya Tirkiyê de wiha hatiye gotin: “Serokomarê me Birêz Recep Tayyîp Erdogan ji bo Serokatiya Teşkîlata Îstixbaratê Birêz Îbrahîm Kalin tayîn kir."

Tê gotin ku li şûna Kalin, Wezîrê Ciwanî û Werzîşê yê berê Akîf Çagatay Kiliç wek Berdevkê Serokomariyê were wezîfedarkirin.