Piştî civîna Tifaqa Millet, serokên giştî yên partiyên Maseya Şeşalî li ser medyaya civakî peyamên xwe yên ewil dan. Kiliçdaroglu got: “Yekbûn û bihevrebûn; ji bilî mirin li hember her tiştî bi ser dikeve.”

Tifaqa Millet ku ji CHP, Partiya ÎYÎ, Partiya Seadetê, Partiya DEVA, Partiya Pêşerojê û Partiya Demokrat pêk tê, duh 2ê Adara 2023an cara 12emîn civiyan.

Serokê Giştî yê Partiya Komarî ya Gel (CHP) Kemal Kiliçdaroglu li ser hesabê xwe yê Twitterê ragihand: “Yekbûn û bihevrebûn; ji bilî mirin li hember her tiştî bi ser dikeve.”

Tê çaverêkirin ku Kemal Kiliçdaroglu îro ligel berpirsên Partiya Çep û Partiya Karkerên Tirkiyê bicive.