Teqînê di kargeha hesin û pola de rû da.

Ji ber teqîna di kargehê de karkerek mir û 3 karker birîndar bûn.

Li Herêma Pîşesaziya Organîzeyê ya Skenderûnê di beşa qazanê ya kargeha hesin û pola de teqîn çêbû.

Heta niha jî sedema teqînê ne diyar e.

Ji ber teqînê 4 karkerên di fabrîqeyê de dixebitîn birîndar bûn.

Li ser îxbarê polîs, tîmên tenduristiyê û tîmên agirvemirandinê çûn cihê teqînê.

Tîmên tenduristiyê piştî midaxeleya ewil birîndar rakirin Nexweşxaneya Dewletê ya Dortyolê.

Karkerekî birîndar li nexweşxaneyê mir.

Tedawiya 3 karkeran jî didome.