Roja Çarşemê 7ê Hezîrana 2023an li parlamentoya Tirkiyê di gera sêyemîn de berbijêrê Hevpeymaniya Cumhur parlamenterê AK Partî yê Stenbolê Numan Kurtulmuş wek Serokê Parlamentoya Tirkiyê hat hilbijartin.

Ji ber di gera yekemîn û duyemîn de ti berbijêrî 400 deng bidestnexistin hilbijartin derbasî gera sêyemîn bû û li gor rêziknameyê di gera sêyemîn de kîjan berbijêr 301 dengî bidest bixe dibe Serokê Parlamentoyê. Numan Kurtulmuş di gera sêyemîn de 321 deng bidestxistin û bû 30emîn Serokê Parlamentoya Tirkiye.

Di gera sêyemîn de 584 parlamenter beşdarî hilbijartinê bûn û dengê xwe dan. Parlamenterê AK Partî yê Stenbolê Numan Kurtulmuş 321, Parlamenterê CHPê yê Enqerê Tekin Bingol 160, Parlamentera Partiya Çepên Kesk (YSP) ya Edene Tulay Hatimogullari Oruç 51, Parlamentgerê IYI Partî yê Stenbolê Cihan Paçaci 43 û Parlamenterê TIP yê Hatayê Şerafettin Can Atalay 4 deng bidestxistin. 5 deng jî nehatin qebûlkirin.