Komîsyona Karûbarên Derve ya Parlamentoya Tirkiyeyê, îro 26.12.2023an bi armanca gotûbêjkirina protokola endamtiya Swêdê di NATOyê de civiya. Protokol bi dengên nûnerên AK Partî, MHP û CHPê hat pejirandin.

Herwiha Îyî Partî û Partiya Saadetê dengên nexêr bo endamtiya Swêdê dan û DEM Partî jî beşdarî dengdanê nebû.

Piştî biryara Komîsyona Karûbarên derve, biryar e protokol were rojeva civata Giştî ya Parlamentoyê û biryara dawîn were dayîn.

Piştî êrîşa Rûsya li ser Ukraynayê, Swêd û Fînlandayê biryar dabûn tevlî NATOyê bibin, lê Tirkiyeyê bi sedema ku Swîd alîkariya PKK û PYDê dike, mijar neanîbû rojeva parlamentoyê.

Herî dawî Serokomarê Tirkiyeyê dabû xuyakirin, Serokê Amerîkayê Jeo Biden gotiye, eger Tirkiye endamtiya Swêd erê bike, ewê firokeyên F16 bidin wî welatî.