Serokwezîrê Tirkiyê Bînalî yildirim piştî hevdîtina ku li gel Serokwezîrê Brîtanî Theresa May pêkanî peyivî.

Yildirim, dîyar kir ku li Sûrîyê 3,5 mîlyon penaberên Sûrî dimînin û wan rê li ber 53 hezar çekdarên ku hewil dane derbazî Sûrîye û Îraqê bibin girtiye.

‘’Me bi hezaran çekdarên DAIŞ’ê li derveyî şer girtin. Niha li Tikrîyê 3,5 mîlyon penaber hene. Ger em ji wan re bêjin ‘Ewrupa li vir e, hûn dikarin derbaz bibin’, hûn dizanin ewê encama wê çi be?’’ Yildirim got.

Yildirim da zanîn ku Partîya Karkarên Kurdistan (PKK) ‘’serê Tirkîyê pir êşandiye’’ û ger Ewrupa piştgirîyê bide wan ewê xwe bixe metirsîyê.

Tirkîye, YPG’ê wek baskeke PKK’ê dibîne. Pentagonê do Duşemê dîyar kiribû ku ewê piştgirîya xwe ya bo Hêzên Sûrîya Demokratîk (HSD), ku YPG’ê jî di nav de ye, bidomînin.