Bînin ber çavê xwe, Hêza leşkerî a PKK, bi rêveberên xwe re di bin emrê Îran û İraqê de ye. Îran û İraq, PKK anîye Silêmanîyê û di bin baskên xwe de bikar tîne. Bi Bavil Talabanî re, di bin emrê İraq û îranê de li Silêmanîyê hin tên kujtin û hin tên hîmaye kirin. Ev herdû gotinên Kujtin û hîmaye kirin dijberî hevin, lê li gor helwesta Silêmanîyê ne.

Îran û İraq, ji bona hêrêma Kurdistanê têxin tengasîyê û gavên Kurd û kurdistanî, ku tên avêtin asteng bikin; dixwazin pêvajokek „yekitîyê“ destpê bikin. Berdevkê konseya PKK, Murat Karayilan jî li gor vê hewla Îran û İraqê, ev karên xerab ji kurdan re dixwaze bike ''mizgînî'' û carek din Kurdkujîyekê destpê bike, ku xwe ji tengasîyê derxînin.

Murat Karayılan, Duran Kalkan, Cemil Bayik û Mustefa Karasu di nav de, hemû rêveberên PKKê, di destê Îranê de esîrin. Îran wan ji xwe re bi hêsanî li gor stratejîya xwe bikar tîne. Yên ku di destê dijmin de êsîr bin, nikarin mizgînîyek rasteqîn bidin kurdan. Kurd divê vê rastî bibînin.

Ne tesadufe ku PKK daketîye herêma Silêmanîyê û di restorant û Otêlên silêmanî de tên xwedî kirin. Di bin hîmaye ya Îranê de ji tirkan re hedefin û hin jî İraq wan li Silêmanîyê, bi YNK re li henber Herêma Kurdistanê bikar tîne!

Kontrola dewleta tirkan a li ser Qendîlê zeîf bûye û bi carekê de radestî Îran, İraqê û Sûrîyê bûye. PKK, asta ''li henber Tirkîyê şer'' wenda kirîye. Ketîye Kûraya axa Herêma Kurdistanê û gav bi gav dewleta tirkan di herêmê de bicîh dike. Dem dem qadroyên ku ji rêveberî û karesatên PKK nerazîne, dişîne Silêmanîyê û dide kujtin. Di vî warî de herçar dewletên dijminê miletê Kurd bi hev re tevdigerin û PKK li gor stratejîya xwe a herêmê, li henber kurdan bikar tînin. Ji ber wê jî, bê izna Tirkîye, Îran, İraq û Sûrîyê ti merc û daxwazên PKK ku bingeha mizgînîyan ji kurdan re ava bike tineye.

Yên ku di destê dijmin de êsîr bin, nikarin di nav kurdan de bibin pergalê „yekitî“ ya kurdan û bengehê ji sîyasetek nû re vekin. Divê Kurd li henber vê lîstika „yekitîyê“ a bi destê YNK û PKK wê bêt meşandin hişyar bin.

Li İraqê sponsorîya Îranê di destê Bexda de ye. Bexda, li gor daxwazên Îranê têkilîyên PKK û YNK dîzaîn dike. Hemû amadekarî ewin ku van herdû hêzan li henber herêma Kurdistanê û destkevtinên wan bikar bîne. Ev stratejîya dijminane gav bigav dimeşe. Ez hêvî dikim ku rayedarên Hikumeta Herêma Kurdistanê serwextî van hewlên dewletên dijminin û axilbe jî yên İraqê ne. Hemû hewl û dijminatîya Dadgeha Federal a İraqê bingehê ji van hewlan re ava dike.

Hikumeta Herêma Kurdistanê hewlan dide xwe, ku hemû daxwaz û êrîşên İraqê red bike û xwe ji sîyaseta Bexda bi carekê de vekişîne. Hewlê ku bi destê PKK û YNK tên meşandin, daxwazên dijminin ku van hewlên hikumeta Herêma Kurdistanê vala derxîne.

Li ser daxwaza Îran-Tirkîyê; hewlên ku DEMPartî li Bakurê Kurdistanê dimeşîne, di hilbijartinan de stratejîya ku dane ber xwe, bipêşde derxistina Salahattin Demirtaş û Leyla Zana, dan û stendinên bi dewleta tirkan re dimeşin û mitîngên ku ji bona ''azadîya A. Ocalan“ tên lidar xistin, Hewlên YNK ku bi rîya Dadgeha Federal, ku bi destê sîyaseta li Şamê a dijberî miletê Kurd û Kurdistanê têt meşandin, hemû yek bi yek îşaretên ku stratejîyek nû bi destê PKK û YNK li ser kurdan amade dibe. Ev stratejî jî li gor daxwazên dijminan têt amade kirin!

Hikumeta Herêma Kurdistanê di asteng bilind de xwedî dîplomasîyek xurt e. Van gavên dîplomatîk yên Hikumeta Herêma Kurdistanê, dijminên miletê Kurd aciz kirine. Dijminên miletê Kurd, dixwazin cîh li herêma Kurdistanê teng bikin û bi van hewlên PKK û YNK dest bavêjin destkevtinên ku bi xwîn û keda milîyonan cangorîyan ava bûye bikin.

Kurdperwerên herçar beşên Kurdistanê divê hişîyar bin. Bi hev re hevkar bin û li henber van lîstikan xwedî li destkevtinên herêma Kurdistanê derkevin. Bizanibin ku bi daxwazên dijminan Kurd ticarî biser nakevin.

Bu makalede yer alan fikirler yazara aittir ve Nerina Azad'ın editöryal politikasını yansıtmayabilir.