Îro (20.10.2023) Serokê Emerîka Joe Biden li Ofîsa xwe a glover hîtabî gelê Emerîka kir. Serokê Emerîka J. Biden, di axivtina xwe de bal kişand ser hinek mijarên girîng û helwestek tûnd li henber kiryarên li Rohilata Naverast danî.

J. Biden, ji bona butçeya ewlekarîya netewî a Emerîka dîyar ku wê ji kongreyê daxwaza ‘’butçeyek bi lezgîn“ bike! Di axivtina xwe de dîyar kir ku wê bi „dîyarkirina vê butçeyê Emerîka bi hawayekî yekem biçespîne“ ku bi ewlekarîya Îsrailê re têkildare; „ew karekî aqilane ye û heta heta ji bona hemû nesîlan re wê xizmetê bike!“

Ev di wateya ‘’pakêta ewlekarîyê“ de wê hêza leşkerî a Îsraîlê xurt bike. Di axivtina xwe de eşkere kir ku; „Emê bikin ku aktorên din yên dijminane ku li herêmê ne xurtbûna parastina Îsraîlê bibînin û emê pêşîya firehkirina şer bigirin.“

Serokê Emerîka J. Biden, di vê axivtina xwe de li ser Serokkomarê Rusîya Pûtîn û Hamasê jî îşaretek da ku; ‘’Hamas terorîste“ û Pûtîn jî ‘’dîktator“e. Diyar dike ku ev herdû hêz di herêmê de di yek ênîyê de ne û „em iznê nadin ku ev li herêmê biser kevin. Hamas û Pûtin dixwazin cînarên xwe yê demokratîk ji holê rakin.“(!)

J. Biden, li ser bombe kirina nexweşxane ya li Xezzayê jî xemgînîya xwe dîyar kir û got: „Dubare kir ku ev êrîş ji terefê Îsraîlê ve nehatîye kirin.“ û di gotara xwe de got, ‘’Hamas Filistînê temsîl nake.“

Joe Biden, herî dawiyê bi awayekî zelal ji Îranê re jî gotubû, “Hişyar bin.”

“Min wêneyên zarokên serjêkirî dîtin”(!)

“Li gorî min, ji bo Cihûyan piştî Holokostê roja herî xwînrij ev e.”

Îranê jî di daxûyanîyên xwe yên di asta serokkomarîyê de her dîyar kir ku; „îşev wê agirê nexweşxaneya Xezzayê ku bi bombeyên Emerîka-Îsraîlê pêk hatiye, dê sîyonîstan bişewitîne.“(!)

Dema ku em axivtina Serokê Emerîkayê Joe Bîden binirxînin, emê bibînin ku emerîka hazirîya şerekî berfireh dike. Hin hêzên Emerîka û Brîtanyayê yên ku tên herêmê, hin balkişandina ser butçeyek mezin a leşkerî, vê qenaetê xurt dike!

Lê Emerîka divê baş bizanibe, ji bona rawestandin û ewlehîya Îsraîlê û a herêmê, divêt pêşîya Îranê bêt girtin. Eger Îran nekeve bir neştergerîyek xurt û per û baskên îranê neyên şikenandin, ne mumkûne pêşîya Rêxistinên terorê yên Îslamîst bêt girtin.

Di herêmê de bi dehan rêxistinên terorê hatine bihêz kirin û çalak, hemû bi Îranê ve girêdayî ne. DAÎŞ çû Hamas hat. Sibe wê Hizbullaha Libnanê, an jî kualisyonek din a Îslamî derkeve ber me. Em tenê hêzên çekdar yên li Felestîn, Libnan û Sûrîyê ku bi piştgirî û dîrektîfa Îran tevdigerin eşkere bikin, texmînî nêzî 140 hezar çekdarî ne. Ev hêz hemû Îslamîstên fenatîkin û her yek ji wan Hamas, an jî DAÎŞ in. Li Tierkîyê, îran û pir welatên misilman piştgirîyek xurt a van hêzan heye. Bi destpê kirina şerê Hamas û Îsraîlê re pêşandanên ku li Tirkîye, Îran, dewletên misilman û dîyaspora derketin ber me, vê qenaetê diçespîne. Hemû ji yek navendê tên organîze kirin.

Bê ku pêşî li Îranê û Tirkîyê bêt girtin, wê emerîka çawa van hêzên Îslamîst û fenatîk bêbandor bike?

Ji terefê Serokê Emerîkayê de, dema ku Hamas û Pûtîn wek du encamên terorê û dîktatorîyê tên îşaret kirin, gelo çima Emerîka bitirs nêzîkî hêza vê kualîsyona îslamîst ku Îran, Rûsîya, Tirkîye û Sûrîyê serî dikişînin dibe û her yeko yeko dixe hedefê?

Çima ji serî de balê nakişîne çavkanîya terora herêmê?

Êrîşa Enkera, êrîşa Tirkîyê a ser 256 binkeyên çavkanîyên medenî yên Roavayê Kurdistanê, li Humusê êrîşa ser şahîyekê û êrîşa Hamasê a Ser Îsraîlê û hengameya ku li ser bombekirina nexweşxaneya Xezzayê hat kirin, hemû îşaretin ku, li pişt perdê ev êrîş hemû ji terefê Kualîsyona di navbera Îran, Rûsîya, Tirkîye û Sûrîyê de bi yek meramî hatine meşandin.

Ku ev kualîsyon li herêmê derbek mezin nexwe, ne ji Emerîka re, ne ji Îsraîl re û ne jî ji kurdan re ewlekarîyek sererast ne mimkûne. Qedera rohilata Naverastê, qedera Kurdistanê, li herêmê, bi bêbandorkirina Îran, Rûsîya û Tirkîyeyê ve girêdayîye. Aşitîya Herêmê di çarenûsa Kurdistanê û Îsraîlê de ye.

Bu makalede yer alan fikirler yazara aittir ve Nerina Azad'ın editöryal politikasını yansıtmayabilir.